Bakı metrosunda ölüm hadisəsi baş verib.
İqtisadiyyat.az-ın əldə etdiyi məlumata görə, hadisə ayın 3-də axşam saatlarında metronun İnşaatçılar stansiyasında qeydə alınıb.
Belə ki, sərnişin 1957-ci il təvəllüdlü Həqiqət Rabil oğlu Quliyevin stansiyada olarkən qəfildən halı pisləşib.
Təcili yardım gələnə qədər onun artıq dünyasını dəyişdiyi məlum olub.
"Bakı Metropoliteni" QSC-nin mətbuat katibi Bəxtiyar Məmmədov faktı İqtisadiyyat.az-a təsdiq edib.
Qeyd edək ki, H.Quliyev uzun illər Ədliyyə Nazirliyi Penitensiar Xidmətin 5 saylı cəzaçəkmə müəssisəsində ("Xələc türməsi") zabit kimi işləyib. O, təqaüdə çıxdıqdan sonra isə bir müddət Salyan şəhərindəki "Kür" hotelinin direktoru vəzifəsində çalışıb.
