Bitki çayları əsrlər boyu insanların sağlamlıq üçün istifadə etdiyi təbii və ənənəvi müalicə üsuludur. Ancaq bəzi hallarda şüursuz və ya həddindən artıq istehlakı bəzi mənfi təsirlərə səbəb ola bilər.

Azreform.info "Posta" qəzetinə istinadla bitki çaylarının mümkün zərərlərini təqdim edir:
Bitki çaylarının tərkibindəki aktiv maddələr bəzi insanlarda allergik reaksiyalara səbəb ola bilər. Xüsusilə, bitki komponentlərinə qarşı allergiyası olan insanlar müəyyən bitki çaylarını istehlak edərkən diqqətli olmalıdırlar.

Xüsusilə, müntəzəm olaraq dərman qəbul edən insanlar bitki çaylarını istehlak etməzdən əvvəl həkimə müraciət etməlidirlər.
Aromatik və ləzzətli içkilərdə istifadə edilən bitkilər təsadüfən istehlak edildikdə zəhərli ola bilər. Bitkilərin xüsusiyyətlərini bilməyən və ya bitki toplamaq təcrübəsi olmayan insanlar yabanı bitkiləri toplayarkən və  çay dəmləyərkən diqqətli olmalıdırlar.

Hamilə və körpəsinə süd verən qadınlar müəyyən bitki çaylarını istehlak edərkən ehtiyatlı olmalıdırlar. Bəzi otlar hamiləlik zamanı və ya uşağa süd verərkən dölə və ya körpəyə mənfi təsir göstərə bilər.

Bitki tərkibli maddələr hər nə qədər immuniteti  gücləndirib xəstəliklərdən qorunmaq məqsədilə istifadə edilsə də, əslində, kəskin böyrək çatışmazlığına qədər bir sıra problemlər yarada bilər.

Mütəxəssislər çinar yarpağı, söyüd kimi çayların tez-tez istehlak edildiyini bildirir və bu bitkilərin istehlakının sözün əsl mənasında böyrəkləri dializə sürüklədiyinə diqqət çəkirlər.

Bəzi bitki çayları mədə narahatlığını və ya reflyüksunu pisləşdirə bilər. Xüsusilə, ədviyyatlı və ya turşulu bitki çaylarının həddindən artıq istehlakı mədə yanması və ya qastrit kimi problemlərə səbəb ola bilər.

Yaşıl çay və ya qara çay kimi bəzi bitki çaylarının tərkibində kofein ola bilər. Həddindən artıq kofein istehlakı yuxusuzluq, əsəbilik, ürək döyüntüsü və mədə narahatlığı kimi əlavə təsirlərə səbəb ola bilər.

Billurə Yunus