Keçmiş ABŞ diplomatı Viktor Manuel Roşa Kubaya 40 ildən çox casusluq etdiyini etiraf edib.
Azreform.info xarici KİV-ə istinadla xəbər verir ki, o cümə axşamı Florida ştatının Mayami şəhərindəki məhkəmədə günahkar olmadığına dair ilkin ifadəsini dəyişib.
73 yaşlı diplomat 1981-ci ildən başlayaraq gizli şəkildə Kuba hökumətinə məlumat ötürməkdə ittiham olunurdu. Bu müddət ərzində o, ABŞ Dövlət Departamenti və Milli Təhlükəsizlik Şurasında çalışıb.
Roşa 1999-2002-ci illərdə ABŞ-ın Boliviyadakı səfiri vəzifəsində çalışıb.
Onun cəzası aprelin 12-də keçiriləcək məhkəmə iclasında müəyyənləşəcək.
Billurə Yunus