Azreform.info xəvər verir ki, İranın “Farnoosh Trading” adlı ticarət evi Şimali Osetiya hökuməti ilə birlikdə bu regiondan taxıl məhsullarının İran bazarına aktiv şəkildə çıxarılmasını təklif edib. Bu təklif K.L.Xetaqurov adına Şimali Osetiya Dövlət Universitetində keçirilən “Vladiqafqaz Ekspo: İran, Rusiya və Ermənistan – Şimal-Cənub beynəlxalq nəqliyyat dəhlizinin inkişafında birlik” adlı II dəyirmi masada səslənib.
Farnoush Trading-in rəhbəri xanım Farnoosh Mazafari Şimali Osetiya hökuməti ilə respublikanın taxıl məhsullarının İran bazarında təşviqi üçün birgə proqramın hazırlanmasını təklif edib. Şimali Osetiya Dövlət Universitetinin mətbuat xidmətindən verilən məlumata görə, bu təklif dəyirmi masa zamanı səsləndirilib.

Şirkət rəhbərinin sözlərinə görə, İran Yaxın Şərqdə ən böyük taxıl idxalçısıdır. Ölkəyə tədarüklər Afrika, Qazaxıstan və Rusiyadan həyata keçirilir. Lakin çox vaxt məhsulun ümumi həcmi üçüncü ölkələrin vasitəçiləri vasitəsilə bazara daxil olur ki, bu da təchizatçıların gəlirlərinin itirilməsinə səbəb olur. Şirkət rəhbəri həmçinin qeyd edib ki, İran taxıl idxalı üçün qiymət siyasətini tənzimləyir və bu, uzunmüddətli müqavilələr bağlamağa imkan verir. Rusiyadan taxıl idxalının təxmini qiymətləri hazırda bir ton üçün 290 avro civarındadır.