İstər COVID-19, istərsə də soyuqdəymə olsun, uzunmüddətli xəstəlikdən sağalmaq sağlamlığınıza xüsusi diqqət tələb edən kifayət qədər mürəkkəb prosesdir. Və əsas diqqət düzgün qidalanmaya yönəldilməlidir.

Publika.az xəbər verir ki, bu barədə Pravda.ru-ya dietoloq Polina Juravleva danışıb. O, hansı qidaların müalicəyə effektiv təsir göstərməsindən və tez sağalmağınıza kömək edəcəyindən danışıb.

Mütəxəssisin sözlərinə görə, xəstəlik uzun müddət davam edirsə, burada əsas məqsəd təkcə öz orqanizmini bərpa etmək deyil, həm də xəstəlikdən sonra qidalanmaya düzgün yanaşmama nəticəsində yaranan fəsadların, iltihabların və residivlərin qarşısını almaqdır.

"Buna görə də qidalanma balanslı olmalıdır. Bu dövrdə tərəvəz, meyvə, göyərti və mayelərin istehlakını artırmaq xüsusilə vacibdir. Göyərti və təzə tərəvəzlər bərpa üçün vacib komponentləri ehtiva edir. Bunlara beta-karoten, fol turşusu, bioflavonoidlər və lif daxildir", - ekspert bildirib.

Tövsiyə olunan qidalar arasında həkim bütün növ bibərləri, xüsusilə qara istiot noxudunu, yaşıl və bolqar bibərini xüsusi qeyd edib.

“Fakt budur ki, bibər alkaloidlərlə zəngindir. Qara istiotun tərkibində immuniteti bərpa etməyə kömək edən piperin var”, - diyetoloq yekunda əlavə edib.