Yaponiyada itən qayçıya görə 36 uçuş ləğv edilib.

Azreform.info xarici KİV-ə istinadla xəbər verir ki, hadisə Hokkaydo əyalətindəki Nyu Çitos hava limanında baş verib.

Belə ki, hava limanında minmə qapılarının yanında yerləşən mağazadan 2 qayçı yoxa çıxıb.

Vəziyyətdən narahat olan işçilər dərhal təhlükəsizlik əməkdaşlarına xəbər verib. 
Baş verən hadisəyə görə 36 uçuş ləğv edilib, 201 uçuşda gecikmə olub. 

2 saat axtarış aparan təhlükəsizlik əməkdaşları qayçını tapa bilmədikləri üçün yüzlərlə sərnişini yenidən yoxlayıb.

Qayçılar növbəti gün həmin mağazada tapılıb.

Yaponiya Nəqliyyat Nazirliyi hadisənin mağazada saxlama və idarəetmə sistemlərinin olmamasından qaynaqlandığını qəbul etdiklərini deyib.

Billurə