Qidalanma və hormonal dəyişikliklər nəticəsində üzdəki məsamələr tıxanaraq zamanla qara nöqtələrin əmələ gəlməsinə səbəb ola bilər.

Azreform.info “haber7”yə istinadla xəbər verir ki, dəri nəmli qalmaq və mikroblardan qorunmaq üçün hər gün yağ istehsal edir. Bu sayədə çöldən gələn çirkli havanın qarşısını alır.

Lakin bu yağlar müxtəlif səbəblərdən həddindən artıq ifraz olunduqda dərinin nəfəs almasını təmin edən məsamələri bağlayır. Məsamələrin tıxanması qara nöqtə və sızanaq kimi dəri problemlərinə səbəb olur. Müxtəlif bitki mənşəli və ya kimyəvi soyma (pilinq) üsulları ilə dəridəki yağı tarazlaşdıra və tıxanmış məsamələri təmizləyə bilərsiniz.

Odur ki, məsamələri rahat şəkildə təmizləməyiniz üçün bir neçə üsulu təqdim edirik:
1. Hər səhər üzünüzü ilıq su ilə yuyun. Tərlədiyiniz zaman və ya kənardan gələndən sonra yumağı unutmayın.
2. Həftədə iki dəfə alnınıza və burnunuza təbii gil maskası çəkin. Maska quruduqdan sonra barmaqlarınızı isladın və yumşaq hərəkətlərlə təmizləyin. Bu şəkildə yağ və kir məsamələrdən təmizlənir.
3. Məsamələrin ən sıx olduğu yerlər burun və çənədir. Buna görə həftədə 3 dəfə üz fırçası ilə burnunuzu fırçalayın. Həftədə bir dəfə bütün üzünüzü fırçalamağı unutmayın. Bu sayədə aşınmış ölü dərinin çıxarılmasını təmin edir.
4. Dərinizdəki məsamələri təmizləməyin ən yaxşı yolu elektron fırçadan istifadə etməkdir. Elektron cihazların fırlanan başlıqları sayəsində dərini zərifcə təmizləyir.

5. Bir stəkan yulaf ununu 1 stəkan qaynar su ilə qarışdırın. Xəmir halına gəldikdə dairəvi hərəkətlərlə masaj edərək burnunuza və üzünüzə çəkin. Masajı 2 dəqiqə davam etdirdikdən sonra ilıq su ilə yuyun.

Billurə Yunus