“Azərbaycanda bankların sayının azaldılmasına ehtiyac var. Əhaliyə yüksək faizlə kredit verməkdən başqa təyinatı olmayan həmin banklar bağlanmalıdır. Ona görə ki bəzilərinin depozit portfelində azalma müşahidə olunur, ili zərərlə başa vururlar. Bəs, onların fəaliyyəti nədən ibarət olub? Deməli, bankların sayı azaldılmalıdır”.

Bu təkliflə Tribunainfo.az-a açıqlamasında Müstəqil Həmkarlar Birliyinin sədri Fuad Əliyev bildirib. O, xatırladır ki, devalvasiyadan sonra bir çox banklar bağlandı, indi növbəti mərhələ başlamalıdır.

“Bu gün məhkəmələrdə yüzlərlə iş var. Banklarla müştərilərin problemli kreditlərlə əlaqədar çəkişmələri hər gün artır. Deməli, banklar vətəndaşları düşünmürlər. Elə ay yoxdur ki, bankların məhkəmə işləri olmasın. O zaman onların fəaliyyəti nəyə lazımdır? Həm özləri zərərdə, həm əhali borc içində, faizlər yüksək… Bank-maliyyə sistemində ciddi dəyişikliklərə zərurət var”.