Marko Rubionun başçılıq etdiyi 5 respublikaçı senator ABŞ prezidenti Co Bayden administrasiyasına məktub göndərərək Çində tənəffüs yoluxucu xəstəliklərin artmasının ardından ABŞ və Çin arasında səyahətə qadağa qoyulmasını istəyib.
Azreform.info -nun xəbərinə görə, Bu barədə “Reuters” yazır.
Məktubda deyilir: "Biz bu yeni xəstəliyin yaratdığı təhlükələr haqqında daha çox məlumat alana qədər ABŞ və (Çin) arasında səyahətləri dərhal məhdudlaşdırmalıyıq".
Ümumdünya Səhiyyə Təşkilatı (ÜST) noyabrın 23-də uşaqlarda diaqnoz qoyulmamış pnevmoniyanın artması ilə bağlı Çindən əlavə məlumat istəyib. Xüsusilə, ÜST Çindən laboratoriya nəticələrini və qrip, SARS-CoV-2, respirator sinsitial virus (RSV) və mikoplazma pnevmoniyasının dövriyyəsindəki tendensiyalar haqqında məlumat verməsini xahiş edir.
