İclas iştirakçıları Yaxın Şərqdəki müharibəni müzakirə edib və İsveçin keçmiş baş naziri Stefan Löfveni yenidən hərəkatın lideri seçiblər.

İspaniyanın Malaqa şəhərində Avropa Sosialistlər Partiyasının qurultayı Aİ-də sosial demokratlar üçün tamamilə əlverişli olmayan vəziyyət fonunda başa çatıb.

Partiya İsveçin keçmiş baş naziri Stefan Löfveni yenidən öz lideri seçdi, yəni gələn ilin iyununda keçiriləcək Avropa Parlamentinə seçkilərdə sosialistlərə məhz o rəhbərlik edəcək. Deputatlığa namizədlərin siyahısı hələ açıqlanmayıb.

Azreform.info xəbər verir ki, Konqresdə əsas müzakirə mövzularından biri də Yaxın Şərqdəki müharibə olub. Bununla belə, tədbir iştirakçıları Qəzza hadisələri ilə bağlı fərqli fikirlər səsləndiriblər: Almaniya kansleri Olaf Şolz müvəqqəti humanitar fasilələrin tərəfdarı olduğunu, İspaniyanın baş naziri Pedro Sançes isə tam atəşkəsin vacibliyindən danışıb.