Tehranda iş yerləri, o cümlədən, şirkətlər, mağazalar, restoranlar və başqa ictimai yerlərə türk adlarının verilməsi qadağandır.
Azreform.info xəbər verir ki, bunu Tehran polisinin İctimai yerlərə nəzarət bölməsinin başçısı polkovnik Nadir Muradi açıqlamasında deyib.
“Bundan əvvəl verilən sərəncama görə paytaxtda türk adlarından istifadə qadağan edilib və buna riayət edilməlidir. Türk adlarından türklər yaşayan əyalətlərdə istifadə edilməsi mümkündür”, - o bildirib.
Qeyd edək ki, Azərbaycan əyalətlərində də türk adlarından istifadəyə məhdudiyyətlər tətbiq edilir.
