Yer kürəsində ümumi şirin su ehtiyatı həyəcanverici səviyyədə yeni minimuma düşüb və bu, iqlim dəyişikliyinin dünyanı qlobal quraqlığın təhlükəli mərhələsinə aparmasına işarə ola bilər. 

Azreform.info Qaynarinfo-ya istinadən xəbər verir ki, bu barədə "Live Science" nəşri "Surveys in Geophysics" tərəfindən dərc olunan araşdırmanın nəticələrini yayıb.

Qeyd olunur ki, 2015-ci ildən indiyədək planetimizin gölləri, çayları və sulu təbəqələri 1200 kub kilometrə yaxın şirin su itirib. Bu da Eri gölünün 2,5 dəfə qurumasına bərabərdir.

Alimlər bu azalmanın 2014-cü ildən 2016-cı ilə qədər El Nino istiləşməsi dövrünə təsadüf etdiyini vurğulayırlar. Alimlər ümumiyyətlə şirin su səviyyəsinin iqlim dəyişkənliyi bitdikdən sonra bərpa olunacağını gözləyirlər, lakin 2023-cü ilə qədər aparılan peyk ölçmələri şirin suyun səviyyəsinin hələ bərpa olunmadığını və heç vaxt bərpa oluna bilməyəcəyini göstərir.
Ətraflı

NASA-nın Qoddard Kosmik Uçuş Mərkəzinin hidroloqu Metyu Rodell deyib: "Biz bunun təsadüf olduğunu düşünmürük və bu, gələcək hadisələrin xəbərçisi ola bilər".

Alimlər hesab edirlər ki, iqlim dəyişikliyi bütün dünyada temperaturun artmasına səbəb olduğu üçün suyun səthindən daha asan buxarlanır və atmosfer onu udmaq qabiliyyətinə malik olur. Bu o deməkdir ki, leysan yağan zaman onlar daha ağır olur - daha quru, daha yığcam səthlərə hopmaqdansa, daha sürətli, daha güclü tufanlar zamanı daha çox yağış yağır.

"Torpaqdan dağıdıcı istifadə və sudan düzgün istifadə edilməməsi o deməkdir ki, 3 milyarda yaxın insan və dünya ərzaq istehsalının yarıdan çoxu su sistemlərində görünməmiş stresslə üzləşir", deyə nəşr yazıb.