Portuqaliyalı məşhur mütəxəssis Joze Mourinyo bundan sonra “Fənərbaxça” klubunu çalışdıracaq.

“Qafqazinfo”nun məlumatına görə, Mourinyonun İstanbul təmsilçisinin “sükanı arxasına” keçməsi sosial şəbəkələrdə maraqla qarşılanıb.

Paylaşılan fotoda Acun Ilıcalının da yer alması müzakirələrə səbəb olub.

Məsələ burasındadır ki, Mourinyonun İstanbul təmsilçisinə keçməsində onun da böyük rolu olduğu bildirilir.

İş burasındadır ki, yenidən “Fənərbaxça” prezidenti olmaq üçün namizədliyini açıqlayan Aziz Yıldırım da seçiləcəyi təqdirdə məhz Mourinyonu “Fənərbaxça”ya gətirəcəyini bildirmişdi.

Amma rəhbər vəzifədə qalmağı hədəfləyən Ali Koç Acunun da dəstəyi ilə əsas rəqibinin bir nömrəli planını pozmuş oldu.

Görünən odur ki, Aziz Yıldırım yenidən prezident seçilmək üçün daha fərqli iddia ilə çıxış etməlidir.

Qocaman futbol funksionerinin hansı addım atacağını isə zaman göstərəcək.