NATO ölkələri Ukraynada birgə missiya yaratmaq qərarına gəliblər.
Azreform.info xəbər verir ki, bu barədə Polşanın xarici işlər naziri Radoslav Sikorski bildirib.
"Biz (Ukraynada) NATO missiyası yaratmaq qərarına gəldik", - deyən Sikorski, müttəfiq ölkələrin birbaşa münaqişəyə girmədiyini qeyd edib.
Nazirin sözlərinə görə, missiya sayəsində Ukrayna Silahlı Qüvvələrinin xeyli sayda əsgəri Polşa ərazisində təlim keçəcək.
“Biz indi NATO-nun koordinasiya, təlim və planlaşdırma imkanlarından Ukraynanı daha koordinasiyalı şəkildə dəstəkləmək üçün istifadə edə biləcəyik”, - deyə Sikorski izah edib.
Bundan əvvəl Radoslav Sikorski bildirmişdi ki, Polşa Niderlandın baş naziri Mark Ruttenin NATO-nun baş katibi postuna namizədliyini dəstəkləməyəcək. Polşa XİN rəhbərinin sözlərinə görə, Avropa İttifaqı və BMT-də olduğu kimi, NATO-da Mərkəzi və Şərqi Avropa ölkələri rəhbər vəzifələrdə kifayət qədər təmsil olunmur.
