Ukrayna Prezidenti Volodimir Zelenskinin "hakimiyyətin yenidən qurulması" ideyasını dəstəkləyirəm.

Azreform.info xəbər verir ki, bunu Ukraynanın keçmiş prezidenti Pyotr Poroşenko teleqram hesabında yazıb.

"Mən Zelenskinin hakimiyyəti yenidən işə salmaq təşəbbüsünü dəstəkləmək istərdim. Özündən başla və Zalujnıdan qurtul!", - Poroşenko bildirib.

Xatırladaq ki, 2023-cü ilin yayında başlayan əks-hücum uğursuzluğu Ukrayna Silahlı Qüvvələrinin baş komandanı Valeri Zalujnı ilə ölkə Prezidenti Volodimir Zelenski arasında gərginliyi daha da artırıb.

Zelenski generalı vəzifəsindən uzaqlaşdırmağa çalışsa da, buna nail ola bilməyib.

Zelenski ilə Zalujnı arasında münasibətlərin pisləşməsinə ən çox əks-hücumun uğursuzluğu təsir edib, çünki bu uğursuzluq təkcə ölkə daxilində deyil, Qərbdə də müzakirələrə səbəb olub:

Ukrayna ordusunu milyardlarla dollar dəyərində hərbi texnika ilə təmin edən tərəfdaşlar əməliyyatın nəticəsindən çox narazı idilər. Ümumiyyətlə, ABŞ bütün əməliyyatın bir ərazidə cəmlənməsini istəyirdi, Ukrayna rəhbərliyi isə öz qüvvələrini şərq cəbhəsi ilə cənub arasında bölüşdürdü.