“ABŞ-nin Yəməndəki hədəflərə hücumları effektiv olmadı və onların hücumlarına qarşı ABŞ ilə açıq müharibəyə hazırlaşırıq".

Azreform.info xarici KİV-ə istinadla xəbər verir ki, bu barədə Yəməndə İranın dəstəklədiyi husilərin (Ənsarullah Hərəkatı) siyasi bürosunun üzvü Əli əl-Kəhhum açıqlama verib.

“Yəməndən olan amerikalılara bunu deyirik:

Yəmənə qarşı bütün hərəkətləriniz və hücumlarınız uğursuzluqla nəticələnəcək. Biz bütün gücümüzlə hücumlarınıza müqavimət göstərəcəyik. Yəmənin gücünü görəcəksiniz və bölgəni zəlil halda tərk edəcəksiniz. Sənin təkəbbürünü qıracaq və əzəmətini məhv edəcəyik.

Yəmən dövləti, onun rəhbərliyi, silahlı qüvvələri və xalqı ayıq-sayıq vəziyyətdədir və ABŞ ilə açıq müharibəyə hazırlaşır.

Fələstin və ümmətin bütün səbəbləri naminə Amerika, İngiltərə və İsrailin təmsil etdiyi "böyük şeytan"la üz-üzə gəlmək böyük şərəfdir.

ABŞ ilə müharibə "vəd edilmiş fəth və cihad"dır. ABŞ və Böyük Britaniyanın Yəmənə hücumlarının heç bir təsiri olmadı və heç bir təsiri olmayacaq. Bu, suverenlik və beynəlxalq qanunları pozan bir hücum və cinayətdir. ABŞ və Böyük Britaniyanın vurduğu hədəflər daha əvvəl bombardman edilən bölgələrdə idi və bu yeni bir şey deyil. Onlar Yəmənə müharibə elan etdilər. Buna görə də Yəmənin onlara qarşı hücumlarına və strateji çəkindirməsinə dözmək məcburiyyətindədirlər.

Hücumlarına görə peşman olacaqlar və bunun əvəzini ağır ödəyəcəklər. Yəmən böyük milləti, dövləti, rəhbərliyi, silahlı qüvvələri, güclü əli və hərbi imkanları ilə böyükdür. ABŞ-yə qarşı qələbə qazanana qədər mübarizə aparacayıq. Düşmənə qarşı reaksiyalarımız sərt və acınacaqlı olacaq", - deyə o, əlavə edib.

Günay