Xəbər verdiyimiz kimi, 7 dekabr tarixində Azərbaycan Respublikası Prezidentinin Administrasiyası və Ermənistan Respublikası Baş nazirinin Aparatının birgə açıqlamasında iki ölkə arasında bir neçə məsələ ilə bağlı razılıq əldə olunduğu bildirilmişdi.

Azreform.info xəbər verir ki, Ermənistan Təhlükəsizlik Şurasının katibi Armen Qriqoryan Bakı və İrəvan arasında baş tutan anlaşmanın təfərrüatını açıqlayıb.

Ölkənin İctimia Televiziyasına müsahibə verən şura sədri vurğulayıb ki, razılıq yalnız iki tərəf arasında aparılan danışıqlar nəticəsində əldə olunub.

"Bu təcrübə göstərdi ki, problemlərin həlli məntiqi ilə hərəkət etmək istəyi böyükdür və bunun üçün ən böyük fürsət sülh müqaviləsidir", - o deyib.

Qriqoryan, İrəvanın dekabrın sonunadək sülh sazişini imzalamağa hazır olduğunu bildirib.