"Barselona"nın qapıçısı Mark-Andre ter Ştegen qış transfer pəncərəsi dövründə klubunu tərk edə bilər.

Azreform.info xəbər verir ki, bu barədə "Diario Sport" nəşri mənbələrinə istinadən məlumat yayıb.

Məlumata görə, alman qapıçı Türkiyə və İngiltərə klublarından təklif alsa da, Kataloniyanı tərk etmək istəmir.

İddia olunur ki, qolkiper Barselonada yaşamaq istəyir. Buna görə də, qapıçının yeganə variantının İspaniya La Liqasında çıxış edən Kataloniyanın digər təmsilçisi "Jirona"da icarə əsasında oynamasıdır.

Xatırladaq ki, təcrübəli qolkiper 2014-cü ildən "Barselona"nın şərəfini qoruyur.(oxu.az)