"Yatmazdan əvvəl diş fırçalamağı buraxmaq diş ətinin iltihabına səbəb olur".

Azreform.info  "20minutos" nəşrinə istinadla xəbər verir ki, bu barədə ortodont Almudena Erraiz danışıb.

Onun sözlərinə görə, yatmazdan əvvəl dişləri bir dəfə belə fırçalamamaq artıq dişlərin vəziyyətinə mənfi təsir göstərir:

"Yatmazdan əvvəl dişləri fırçalamaq səhər fırçalamaqdan qat-qat vacibdir. Gün ərzində ağızda bakteriyalar və qida qalıqları toplanır”.

Həkim yatmazdan əvvəl dişləri fırçalamağı buraxmağın mənfi nəticələri arasında diş ətinin iltihabını və səhərlər ağızda pis qoxunu qeyd edib. “Gecə tüpürcək ifrazı xeyli azalır, ona görə də dişləri fırçalamadıqda ağızda qalan bakteriyalar qida qalıqları ilə qidalanır, turşular yaradır, bu turşular isə emalı zəiflədir, zədələnməyə və kariyesə səbəb olur".

Həmidə İbrahimova