G20 qlobal böhranları həll edə bilmədiyi üçün mənasını itirə bilər.

Azreform.info xəbər verir ki, Fransa Prezidenti Emmanuel Makron bunu Cənubi Afrikada keçirilən G20 sammitində bildirib.

O, üzv ölkələri geosiyasi sahədə ortaq bir standarta nail olmaq üçün səylərini artırmağa çağırıb.

Makron açılış nitqində "bu forumun işini bərpa etmək və iqtisadiyyatlarımız üçün bu masada kollektiv həll yolları axtarmaq üçün konkret hərəkətlərimizin olduğunu mütləq nümayiş etdirməliyik" deyib. Fransa Prezidenti Yaxın Şərq, Sudan və Ukraynadakı qlobal iqtisadi problemlərdən və münaqişələrdən danışıb.

G20 forumu 1999-cu ildə yaradılıb. G7 ölkələri forumun yaradılmasında mühüm rol oynayıb. Onun sammiti 22-23 noyabr tarixlərində Yohannesburqda keçirilir.

Elvin

Azreform.info