Gəncə şəhərində 5 mərtəbəli yataqxana binasında yanğın olub.
"Report"un Qərb bürosunun məlumatına görə, Gəncə şəhər Atatürk prospektində yerləşən 5 mərtəbəli binanın 2-ci və 3-cü mərtəbəsinin eyvanları və 1 otağı içərisində əşyaları ilə birgə yanıb.
Hadisə yerinə Fövqəladə Hallar Nazirliyinin Gəncə şəhər Yanğından Mühafizə İdarəsinin 7 yanğınsöndürən maşınları və canlı qüvvəsi cəlb olunub və yanğın söndürlərək digər mərtəbələr yanğından mühafizə olunub.
Hadisə zamanı 2-ci mərtəbənin 15 kvadratmetr sahəsi, 3-cü mərtəbənin isə 10 kvadratmetr sahəsi yanıb. Həmçinin 16 nəfər təxliyə edilib. Onlardan bir neçə nəfərin halı pisləşib, tüstüdən zəhərlən olub. Onlara tibbi yardım göstərilib.
Yanğının başvermə səbəbləri araşdırılır.
