Dövlət Gömrük Komitəsinin Akademiyasının rəhbərliyi, əməkdaşları və tələbələri Zəfər Günü münasibətilə Sabunçu rayonu Maştağa qəsəbəsində Vətən müharibəsi şəhidlərinin məzarlarını ziyarət edərək önlərinə gül dəstələri düzüb, ruhlarına dualar oxuyub, əziz xatirələrini dərin ehtiramla yad ediblər.

Eyni zamanda Sabunçu rayonunda yaşayan I Qarabağ müharibəsinin şəhidləri Həmidov Faiz Fariz oğlu, Hacıyev Tahir Firuz oğlu, Mirəliyev Mirəli Vaqif oğlu, II Qarabağ müharibəsinin şəhidləri Abdullazadə Həsənağa Şakir oğlu və Vətən müharibəsi qəhrəmanı Mansurov Elçin Elşən oğlunun ailələri ilə görüşərək onların bayramlarını təbrik ediblər.

Akademiyanın rəisi, gömrük xidməti general-mayoru Qulu Novruzov və əməkdaşlar şəhidlərin canı, qanı bahasına qazanılan Zəfərimizin gələcək nəsillərə örnək olduğunu vurğulayaraq tarixi qələbənin qazanılmasında şücaət və qəhrəmanlıq göstərərək canından keçən bütün şəhidlərimizə rəhmət, qazilərimizə isə şəfa diləyiblər.

Cənnətdəki bayramınız mübarək, qəhrəman şəhidlərimiz!