Gürcüstan prezidenti Salome Zurabişvili Gürcüstanda keçirilən seçkilərin rəsmi nəticələrini tanımadığını bəyan edərək insanları seçkinin nəticələrinə etiraz olaraq  etiraz aksiyasına çıxamağa çağırıb.

Azreform.info "NewsGeorgia"ya istinadən  xəbər verir ki, prezident seçkinin nəticələri ilə bağlı bunları deyib: “Mən bu seçkiləri tanımıram. Bu seçkiləri tanımaq olmaz. Bu, Rusiyanın buraya daxil olmasını, Gürcüstanın Rusiyaya tabe olmasını tanımaqla eynidir. Mən ölkəyə bunun üçün gəlməmişəm. Heç kim Gürcüstanın Avropa gələcəyini əlindən ala bilməz”, - Zurabişvili bildirib.

Prezident daha sonra insanları bazar ertəsi yəni oktyabrın 28-də saat 19:00-da Tbilisinin Rustaveli prospektində keçiriləcək aksiyaya çağırıb.

Mürtəza
Azreform.info