Rusiyanın Volqoqrad əyalətində 10 nəfərdə balıqdan botulizm aşkarlanıb.

“Medicina” xəbər verir ki, bu barədə Rospotrebnadzor məlumat verib.

Əgər xəstələr vaxtında həkimə müraciət etməsə, 70% halda ölümlə nəticələnir.

Clostridium botulinum ifraz etdiyi zəhərdən güclü zəhər yoxdur.
2024-cü ilin əvvəlindən regionda 10-12 nəfər botulizm simptomları ilə xəstəxanaya müraciət edib. Şübhəli ərzaq evdə hazırlanmış hisə verilmiş balıqdır.

Zəhərlənmədən sonra botulizm əlamətləri 2 saatla 1 sutka arasında özünü göstərə bilər.

Botulizmin əsas əlamətləri:

- Görmədə ikili, dumanlı görmə
- Əzələ zəifliyi
- Udmada çətinlik
- Nitqin pozulması
- Tənəffüs yollarının iflici
- Ağızda quruluq
- Huşun itməsi

Botulizmdən qorunmaq üçün qidalar düzgün yuyulmalı, bişirilməli və saxlanmalıdır. Ət, yumurta, balıq kifayət qədər yüksək odda hazılanmalıdır ki, bakteriya məhv olsun.

Şoraba, ev konservlərindən ehtiyatlı olun.